Хэмилтон "Формула-1"нинг АҚШ Гран-приси ғолиби бўлди

Британиялик автопойгачи, "Мерседес" жамоаси вакили Льюис Хэмилтон ""Формула-1" пойгасининг АҚШ Гран-приси ғолиби бўлди. У марра чизиғи олдида "Феррари" пойгачиси Себастьян Феттелни доғда қолдира олди.

3-ўринни "Феррари"нинг яна бир аъзоси, финляндиялик Кими Райкконен эгаллади.

Хэмилтоннинг бу ғалабаси фаолиятидаги 62-ғалаба бўлди. Умумий ҳисобда Льюис уни таъқиб қилаётган Феттелдан 66 очко олдинда бормоқда ва унинг ғолиблиги фақатгина вақт масаласи бўлиб қолмоқда. 

Қуйидаги умумий жадвал келтирилган. 

    Льюис Хэмилтон – 331
    Себастьян Феттель – 265
    Валттери Боттас – 244
    Даниэль Риккардо – 192
    Кими Райкконен – 163
    Макс Ферстаппен – 123
    Серхио Перес – 86
    Эстебан Окон – 73
    Карлос Сайнс – 54
    Фелипе Масса - 36

Хэмилтоннинг ғалабаси, Валттери Боттас қўлга киритган 10 очко "Mercedes" жамоасига чемпионат тугашига 3 босқич қолганда муддатдан аввал "Конструкторлар кубоги"ни қўлга киритишга имкон берди. Жамоа бу унвонни қаторасига тўртинчи йил қўлга киритмоқда. 

Пойганинг кейинги босқичи Мексикада 26-29 октябрь кунлари бўлиб ўтади.