Мустақил автономия ғавғоси Италияда ҳам бошланди

Италиянинг қудратли шимолий вилоятлари саналган Ломбардия ва Венето кўпроқ автономияга эга бўлиш мақсадида референдум ўтказди. Унда иштирок этган шимолликларнинг 98 фоизи референдум саволига «ҳа», дея жавоб берган. Расмий Рим берган маълумотга кўра, Венетода ўтказилган референдумда умумий аҳолининг 59 фоизи қатнашган, шунинг билан унинг ҳақиқийлигини тасдиқлаш мумкин.

Минтақа кичик президенти Лука Зая ўзининг ижтимоий тармоқдаги саҳифасида «Венето учун янги тарих бошлангани»​ни таъкидлаб, халқини тарихий қарорни тўғри қабул қилгани билан табриклади.

Ломбардияда эса референдум ўтказиш учун талаб этилган овоз берувчи аҳоли йиғилмагани учун, унинг натижаси бекор қилиниши мумкин. Шунга қарамай, 40 фоизлик аҳоли иштироки таъминланган референдумда 95 фоиз киши «ҳа», дея овоз берган.

Зая ва Марони дарҳол мамлакат Бош вазири Паоло Жентилони билан музокараларни бошлаб юборган.

Маълумот учун, мазкур икки вилоятда Италия халқининг чорак қисми яшайди, шунингдек, мамлакат иқтисодиётининг 30 фоизи айнан шу ҳудудларнинг ҳиссасига тўғри келади.

Эслатиб ўтамиз, жорий йилнинг 1 октябрь куни Испанияда тўлиқ мустақиллик талаби билан кўчага чиққан каталонларнинг талаби ҳалигача қондирилгани йўқ.