Фото: ТАСС
ИШИД террорчилик ташкилоти жангарилари Сурия ҳудудининг 5 фоизини назорат остида ушлаб турибди, дея маълум қилди Россия мудофаа вазири, армия генерали Сергей Шойгу. Бу ҳақда РИА «Новости» хабар бермоқда.
«ИШИД бугунги кунда 5 фоиздан камроқ ҳудудни қўлида сақлаб турибди, Россия ҳаво-космик кучлари амалиёти бошланишидан аввал эса ИШИД Суриянинг 70 фоиз ҳудуди устидан назоратга эга эди», - деди Шойгу.
Унинг таъкидлашича, Россия авиацияси икки йил ичида 948 та машғулот лагери, 666 та қурол-аслаҳатлар ишлаб чиқариш бўйича завод ва устахона, шунингдек, жангариларнинг 1,5 мингта ҳарбий техникасини йўқ қилган.
