Америкалик боксчи жангдан олдин жуфтакни ростлади

Америкалик боксчи Жозеф Коутс профессионал рингдаги дебютини қолдиришга қарор қилди, деб хабар бермоқда iSport.ua.

19 октябрь куни у Дарем шаҳрида кенжа Ҳасим Раҳмонга (супероғир вазндаги собиқ жаҳон чемпионининг ўғли) қарши илк жангини ўтказиши лозим эди.

Бироқ, рингга кўтарилганидан сўнг, у жанг қилиш қароридан воз кечди. Қизиғи шундаки, бундан олдин промоутерлари уни 40 дақиқа давомида, жанг қилиш учун кўндиришга уринган эди.

Рахмоннинг промоутери бундай воқеани умрида биринчи марта кўраётганини айтди.

«48 йиллик фаолиятимда бунақасини кўрмаганман, боксчи кетди қолди. Сухандон нима воқеа юз берганини томошабинларга тушунтиргунча, у жуфтакни ростлаб қолибди» - деди Грег Коэн.

Шимолий Каролина штатининг Атлетика қўмитаси қоидаларига кўра, Коутс дисквалификация қилинди ва кенжа Раҳмонга ғалаба ёзилди.