Ироқда ИШИДнинг охирги таянч нуқталарига ҳужум бошланди
Ироқ бош вазири Ҳайдар ал-Ободий Рава ва Ал-Қайм шаҳарларини ИШИДдан озод қилиш учун ҳарбий ҳаракатларни бошлашга буйруқ берди. Бу ҳақда курдларнинг Rudaw телеканали хабар тарқатди.
Франс Пресс агентлиги хабарига кўра, ушбу шаҳарчалар ИШИД жангариларининг Ироқ ҳудудидаги охирги таянч нуқталари ҳисобланади.
Ал-Ободий бундан аввалроқ Анбар вилояти ғарбидаги ҳудудлар ва Киркук шимолидаги Ал-Хавижа шаҳри жангарилардан тўла озод қилингани ҳақида маълум қилганди.
Шунингдек, АҚШ бошчилигидаги ҳарбий коалиция ИШИД пойтахти ҳисобланган Раққа шаҳри ҳам жангарилардан тозалангани ҳақида эълон қилди.
Қайд этилишича, Ироқдаги Мўсул ва Суриядаги Раққа шаҳарларини йўқотиш орқали ИШИД тўла мағлубиятга учради.
Мавзуга оид
15:11 / 05.10.2024
“Ўзбекистон ДХХ Россияга ИШИД аъзоларини тутишга ёрдам берган” — Бортников
23:04 / 02.10.2024
Uzbekistan Airways Ироқ ва Эрон ҳаво ҳудудини айланиб ўтишини эълон қилди
08:10 / 01.10.2024
АҚШнинг Ироқдаги ҳарбий базаси ракета ҳужумига учради
20:19 / 28.09.2024