Эрон президенти Трамп билан учрашишни истамагани маълум бўлди

Фото: Free Stock Images

АҚШ президенти Дональд Трамп сентябрда ўтган БМТ Бош ассамблеяси саммити доирасида Эрон президенти Ҳасан Руҳонийга шахсий учрашув ўтказишни таклиф қилган, бироқ Руҳоний бу таклифни рад этган. Бу ҳақда Эроннинг Fars ахборот агентлиги хабар бермоқда.

Бу ҳақда биринчи бўлиб таҳлилчи Маҳди Фазайлий сўзлаб берган. "АҚШ президенти Трамп президент Руҳонийга унинг сентябрда анъанавий анжуманда иштирок этиш учун Нью-Йоркка ташрифи вақтида шахсий учрашувни таклиф қилган, бироқ бизнинг президент бу таклифни рад этган", деб сўзлаган Фазайлий.

Унинг айтишича, Франция президенти Эммануэль Макрон икки давлат раҳбарлари ўртасида воситачилик қилмоқчи бўлган, бироқ у ҳам учрашувни ташкиллаштира олмаган.

Кейинроқ Эрон ташқи ишлар вазирлиги Fars ахборот агентлигига бу маълумот ҳақиқий эканлигини тасдиқланган.