Украина БМТга Қрим бўйича резолюцияни киритди

Украина делегацияси БМТ Бош Ассамблеясининг Учинчи қўмитаси котибиятига Қримдаги инсон ҳуқуқлари бўйича янги қарор лойиҳасини тақдим этди. Бу ҳақда «Укринформ» Украинанинг бутунжаҳон ташкилотидаги доимий ваколатхонаси матбуот котиби Олег Николенкога таянган ҳолда хабар берди.

Унинг сўзларига кўра, резолюцияда Россия томонидан «Қрим татар халқи мажлиси» ташкилотининг тақиқини бекор қилиш талаб қилинади, шунингдек, украин ва қрим татарлари тилларида таълим бериш зарурлиги таъкидланади. Қайд этилишича, халқаро ташкилотларга Қримга киришга йўл очиб бериш лозим.

Дипломатнинг хабар беришича, Учинчи қўмитада резолюция бўйича овоз бериш ноябрь ойининг ўрталарида ўтказилади. Шундан сўнг, декабрь ойида ҳужжат Бош Ассамблеяга умумий овоз бериш учун киритилиши режалаштирилган.