Испания қирғоқлари яқинида яна 250 муҳожир қутқарилди

Испания соҳил хизмати вакиллари 251 нафар африкалик қочқинлар қутқарилгани ҳақида маълум қилди. Daily Sabah хабарига кўра, бу одамлар 5та қайиқда Ўрта Ер денгизини кечиб ўтмоқчи бўлганди.

Халқаро миграция ташкилоти маълумотига кўра, Испания қирғоқларига сузиб келувчи африкалик муҳожирлар сони ўтган йилнинг шу давридагига қараганда 3 баробар ўсди — йил бошидан буён Испанияга 15 585 қочқин келди.

Мигрантлар Испанияга асосан Ливия ҳудудидан келмоқда, бу давлатдаги сиёсий беқарор вазиятдан қочаётганлар Марокаш — Испания маршрутини танлашади.