Ўзбекистон олтин-валюта захиралари ҳажми 26 миллиард долларга тенг — Марказий банк

Ўзбекистон валюта захираси миқдори 26 миллиард долларни ташкил қилади. Бу маълумот Марказий банк раисининг биринчи ўринбосари Темур Ишметов томонидан бугун, 15 ноябрь куни бўлиб ўтган Халқаро пресс-клубда айтилди.

Шу билан бирга валюта захираси таркиби очиқланмаган.

Шу йилнинг июлида ҳам Ўзбекистоннинг олтин-валюта захираси ҳақида маълумот берилган, ўшанда Молия вазири ўринбосари Мубин Мирзаев рақамларни аниқ айта олмаслиги, лекин 20 миллиард доллардан ортиқ захира шакллантирилганини айтганди.