MAN Ўзбекистонда шаҳарлараро автобуслар ишлаб чиқаради

Фото: MAN

«JV MAN Auto-Uzbekistan» ҚК корхонанинг амалдаги ишлаб чиқариш майдонларида MAN A22 CNG паст полли шаҳар автобусларини ишлаб чиқариш бўйича лойиҳани муваффақиятли амалга оширди, деб хабар бермоқда Uzreрort.

Ўзбекистон Республикаси ҳукумат делегациясининг расмий ташрифи ва Ўзбекистон-Германия бизнес форуми доирасида, «Ўзавтосаноат» АЖ ҳамда «MAN Truck & Bus AG» «JV MAN Auto-Uzbekistan» МЧЖ ҚКда MAN Lion's Coach шаҳарлараро автобуслари ишлаб чиқаришни ташкил этиш бўйича келишув имзолади.

Лойиҳани 2018-2020 йилларда амалга ошириш режалаштирилмоқда.