Дунёдаги энг кекса президентларидан бири, Зимбабве раҳбари Роберт Мугабе уй қамоғида сақлаб турилаётганидан норози бўлиб, очлик эълон қилди. Бу ҳақда Буюк Британиянинг Daily Mail нашри хабар тарқатди.
Унда айтилишича, мамлакат ҳукмрон партияси собиқ етакчиси ўтган кундан бери ҳеч нима емайди. Президент оиласининг яқин дўсти мухбир билан сўзлашиб, Роберт «ҳақиқат учун ўлимга тайёр эканлиги»ни билдирган.
Эслатиб ўтамиз, кекса сиёсатчи якшанба куни мамлакатда ҳукмрон ЗАНУ-ПФ партия етакчилигидан озод этилди. Шунингдек, у чоршанба кундан буён уй қамоғида сақланади. Ҳукумат бошқарувини ҳарбийлар қўлга олган. 37 йил мамлакатни бошқарган Мугабенинг турмуш ўртоғи Грейс Мугабе ҳам партия аъзолигидан четлатилди.
