Чемпионлар лигасининг гуруҳ босқичи 5-турида Мадриднинг «Реал» клуби Кипрнинг АПОЭЛ клуби меҳмони бўлди ва 6:0 ҳисобида ғалаба қозонди. Биринчи бўлимдаёқ «қаймоқранглилар» жамоаси 4 гол урди, Карим Бензема дубль қайд этди, танаффусдан кейинги икки голга Криштиану Роналду муаллифлик қилди.
Бу ғалаба «Реал» учун Чемпионлар лигасида сафар ўйинларидаги 50-ғалаба бўлди. Бу кўрсаткич борасида «Реал» «Барселона»ни қувиб ўтди (49 ғалаба).
Мадридликлар гуруҳда иккинчи ўринни олган ҳолда кейинги босқичга чиқадиган бўлди. Биринчи ўринни 5-турда Дортмунднинг «Боруссия»си устидан сафарда ғалаба қозонган «Тоттенҳэм» эгаллаши аниқ бўлди.
«Реал» 6-турда «Боруссия»ни қабул қилади.
