Ҳавайида ядровий зарбадан огоҳлантирувчи тизим синовдан ўтказилди

1 декабрда АҚШнинг Ҳавайи штатида Иккинчи жаҳон урушидан кейин биринчи марта ядровий зарбадан огоҳлантирувчи тизим синовдан ўтказилди. Бу ҳақда ABC телеканали хабар бермоқда.

“Йиғлаётган сирена” деб номланган огоҳлантириш тизими бу ерда кўникиб кетилган цунами хавфи ҳақидаги сигналдан кейин янграган. Маҳаллий ҳукумат ҳисоб-китобларига кўра, Шимолий Корея томондан ракета отилса, Ҳавайи ороллари аҳолисида панагоҳларда яшириниш учун 20 дақиқадан камроқ вақт бўлади.

Таъкидланишича, Ҳавайи охирги 25 йил ичида бундай тизим синалаётган АҚШдаги биринчи штат бўлди. Оролларда фуқаролик объектларидан ташқари, кўплаб ҳарбий объектлар, жумладан Оаху оролида Тинч океани қўмондонлиги бош базаси жойлашган.

Синов Шимолий Корея томондан навбатдаги ракета отилишидан 3 кун ўтиб ўтказилди.

29 ноябрга ўтар кечаси Шимолий Корея “Хвасон-14” қитъалараро баллистик ракетасини учирди. Ракета 4475 км баландликка кўтарилиб, 950 км масофа учиб ўтган.

Ракета 53 дақиқа учиб, сўнгра Япониянинг Аомори префектурасидан 250 км узоқликда денгизга тушган. Жанубий Корея, Япония ва АҚШ ҳарбийларининг баҳолашича, бу ракета ўз кўрсаткичлари бўйича барча аввалги ракеталардан устунроқдир.