Афғонистон президенти Муҳаммад Ашраф Ғани Тошкентда бўлиб ўтган икки томонлама музокаралар якунида ўзбек тилида баёнот берди.
Эслатиб ўтамиз, Ўзбекистонга ташриф билан келган Афғонистон раҳбари Муҳаммад Ашраф Ғани Кўксарой қароргоҳида Ўзбекистон президенти Шавкат Мирзиёев билан учрашди.
Президент Ашраф Ғани музокаралар якунланганидан сўнг ўзбек тилида нутқ сўзлади.
Шавкат Мирзиёев афғонистонлик ҳамкасбининг ўзбек тилидаги бу баёнотини олқишлади ва бу икки халқ тарихи, тили ҳамда маданияти бир бирига жуда яқин эканидан далолат беришини алоҳида таъкидлаб ўтди.
