2018 модел йилининг энг хавфсиз автомобиллари маълум қилинди

BMW 5-Series, Genesis G80, Toyota Camry автомобиллари 2018 модел йилининг энг хавфсиз машиналари деб топилди. Тегишли рейтингни Insurance Institute for Highway Safety ташкилоти мутахассислари тузишган.

Таъкидланишича, BMW’га 1-ўрин барча йўловчилар ва болаларни ишончли ҳимоялай олиши учун берилган. 2-ўрин Genesis G80’га рўпарама-рўпара тўқнашувдан огоҳлантириш тизими ва мустаҳкам кузови учун берилган. Toyota Camry эса янги Toyota Safety Sense хавфсизлик тизими учун 3-ўринга муносиб деб топилган. 

Маълум қилинишича, мутахассислар рейтингни тузишда краш-тестлар натижаларига таянишган. 

Шунингдек, етакчи ўнталикдан Mercedes-Benz GLC ва E-синфидаги Mercedes-Benz, Subaru Impreza, Subaru Outback, KIA Soul, KIA Cerato ва Hyundai Santa Fe Sport моделлари ўрин олган.

Автомобиль рейтингга кириши учун маълум талабларга жавоб бериши керак бўлган. Жумладан, у ишончли бош суягичлар, мустаҳкам том, фронтал тўқнашувларнинг олдини олиш тизимига эга бўлиши керак бўлган.