«АҚШ икки жаҳон урушида ғалаба қозонди ва коммунизмни синдирди» - Трамп

АҚШ иккита жаҳон урушида ғалаба қозонган, шунингдек, коммунизмни «тиз чўктирган - синдирган» давлат саналади. Бу ҳақда Қўшма Штатлар етакчиси Дональд Трамп Флорида штатидаги Пенсакола шаҳрида чиқиш қилиб айтиб ўтди

«Биз Панама каналини қазиган, иккита жаҳон урушида ғалаба қозонган, инсонни Ойга юборган ва коммунизмни тиз чўктирган давлатдирмиз», - дея айтиб ўтди Қўшма Штатлар президенти.

Эслатиб ўтамиз, аввалроқ АҚШ президенти Дональд Трамп ал-Қудсни Исроил пойтахти сифатида тан олиш ва Американинг Тель-Авивдаги элчихонасини у ерга кўчириб ўтказиш ҳақидаги ўз қарорига изоҳ берганди. Қўшма Штатлар етакчисининг таъкидлашича, у аввалги президентлардан фарқли равишда, Исроилдаги дипломатик ваколатхонани кўчириш бўйича берган сайловолди ваъдасини бажарди.