Каталонияда референдум можароси сабабли почта компанияси директори ҳибсга олинди

Испания фуқаролик гвардияси 14 декабрда Каталония мустақиллиги референдумининг ташкиллаштирилиши тергови билан боғлиқ ҳолда почта хизматлари кўрсатувчи Unipost компанияси бош директори Пабло Равентосни ҳибсга олди. Бу ҳақда El Mundo нашри хабар бермоқда.  

Нашр маълумотларига кўра, гвардия ходимлари кун давомида компаниянинг Оспиталет-де-Льобрегат каталон шаҳридаги бош қароргоҳида тинтув олиб боришган. Улар референдумни ташкиллаштиришга Каталония ҳукуматининг сарф-харажатлари билан боғлиқ ҳужжатларни қидиришган. Жумладан, сайловчилар рўйхатлари бўлган мактубларни тарқатиш учун амалга оширилган тўловлар ҳақида маълумотлар қидирилган.   

1 октябрда Каталонияда мустақиллик референдуми бўлиб ўтганди. Испания таркибидан чиқиш учун 90,18 сайловчилар овоз беришган. Бироқ Мадрид бу референдумни ноқонуний деб ҳисоблаб, унинг натижаларини тан олмаяпти.