Мейвезер ва Макгрегор жанги тарихий натижани қайд этди 

Америкалик кичик Флойд Мейвезер ва ирландиялик аралаш яккакурашлар устаси Конор Макгрегор ўртасидаги бокс жанги жаҳонда сотилган трансляциялар миқдори бўйича иккинчи ўринни эгаллади. Бу ҳақда ТАСС Boxingnewsonline’га таянган ҳолда хабар бермоқда.

Мейвезер ва Макгрегор ўртасидаги бокс қоидалари бўйича беллашув 2017 йилнинг 27 август куни бўлиб ўтди ҳамда америкаликнинг ғалабаси билан якунланди. Макгрегор ўнинчи раундда техник нокаутга учради.

Таъкидланишича, pay-per-view тизимида трансляцияни 4,3 миллион марта харид қилишган.

Сотилган трансляциялар сони бўйича рекорд эса Мейвезер ҳамда Мэнни Пакьяо ўртасида 2015 йилнинг 2 май куни бўлиб ўтган жангга тегишли. Ўшанда бу баҳснинг трансляцияси 4,6 миллион марта сотиб олинганди.