171 йил. Бельгияда телеграф ўз ишини тўхтатмоқда

Бельгияда 29 декабрь куни телеграф ўз ишини тўхтатади. Илк бор унинг ёрдамида 171 йил муқаддам хабар ёзилганди – Брюсселдан Антверпенга.

Бельгия телеграфидан сўнгги вақтларда фақат 10 та компания ва бир неча жисмоний шахслар фойдаланиб келаётганди. Телеграммаларни асосан суд нозирлари юборишган - уларга шундай тизим керак эдики, унда хабарларни юбориш ва олиш факти юридик жиҳатдан қайд этилиши лозим бўлган.

Би-би-си хабарига кўра, телеграфдан воз кечишнинг асосий сабабларидан бири – хабарларни жўнатиш қиймати. Одатий телеграмма нархи 20 та сўз учун 23 евродан кўпроқни ташкил этади. Брюссел ва унинг атрофига етказиб бериш қарийб 90 центга тушган. Телеграммани юбориш учун операторга қўнғироқ қилиш ҳамда ўз хабарини айтиб туриш лозим эди, кейин эса у почта орқали юборилган.

2006 йилда бу тизимдан АҚШ, 2013 йилда эса – Ҳиндистон воз кечди.