Биринчи сценарийга кўра, АҚШ президенти Дональд Трамп иккинчи муддатга қолади. Прогнозларга мувофиқ, бу америкаликларнинг анъанавий сиёсий партияларга бўлган ишончини йўқотишига олиб келиши мумкин. Натижада 2028 йилда бирор бир президентликка номзод етарлича овоз тўплай олмайди ва сайлов олди пойгаси 2029 йилгача давом этади.
Иккинчи сценарий "сохта янгиликлар Facebook'ни йўқ қилади" номини олган. У сўнгги вақтларда Facebook ҳам, бошқа техник компаниялар ҳам сохта хабарлар тарқалишини тўхтата олмаётганига асосланган.
Учинчи сценарий криптовалюталарга тегишли. Унга кўра, биткоин анъанавий валюталарга алмаша бошлайди, блокчейн эса одатий банк операцияларини сиқиб чиқара бошлайди. 2028 йилга бориб анъанавий тушунчадаги банклар бўлмайди, биткоин курси эса 1 миллион долларга етади.
Шунингдек эҳтимолий салбий сценарийлар орасида — КХДР томонидан ракета ҳужуми, Буюк Британия ҳукумати тепасига социалист Жереми Корбиннинг келиши ва социализм машҳурлигининг ошиши, Европадаги "авлодлар уруши", Хитой билан савдо уруши ва электромобиллар машҳурлиги сабаб "нефть даври"нинг тугаши кабиларни қайд этиш мумкин.
