Мексикадаги автоҳалокатда 15 сайёҳ ҳалок бўлди

Мексикада хорижий сайёҳларни Чакчобенга экскурсияга олиб кетаётган туристик автобуснинг ағдарилиб кетиши оқибатида 15 киши ҳалок бўлди, 18 киши жароҳат олди. Қурбонларнинг 11 нафари воқеа жойида, яна 4 нафари шифохонага йўлда ҳалок бўлган. Ҳалок бўлганлар орасида АҚШ, Швеция, Бразилия ва Италия фуқаролари бор. Сайёҳларнинг барчаси Мексиканинг Махауаль портига круиз лайнерида ташриф буюришган. Автобусда ҳаммаси бўлиб 31 сайёҳ бўлган.