Нью-Деҳли метросининг энг янги ҳайдовчисиз поезди “синовдан ўта олмади”

Фото: AP Photo

Ҳиндистон пойтахти Нью-Деҳли метросининг энг янги ҳайдовчисиз поезди синов вақтида деподаги тўсиб турувчи деворга урилиб, ундан ўтиб кетди. Бу ҳақда Нью-Деҳли метросининг твиттердаги хабарига иқтибос келтирган ҳолда “РИА Новости” ахборот агентлиги хабар бермоқда.

“Поезд синови тормоз тизими текширилмасдан ўтказилган, оқибатда поезд деворга урилган. Авария вақтида ҳеч ким жабрланмаган”, деб айтилган хабарда.

Метронинг поезд қатнаши керак бўлган янги линияси пойтахтни Нойда шаҳри билан боғлайди. 25 декабрда линиянинг очилиши маросимида мамлакат бош вазири Нарендра Моди иштирок этиши кутилаётган бўлган.

Воқеа сабаблари ҳозирча номаълумлигича қолмоқда.