31 кг кокаин. Байрут аэропортида 80 ёшли аёл қўлга олинди

Фото: Flickr

Ливан пойтахти Байрут аэропортида божхона хизмати ходимлари йўловчилардан бири бўлган аёлнинг ёнидан 31 килограмм кокаин гиёҳвандлик моддасини топишди. Бу ҳақда IOL хабар бермоқда.

Қайд этилишича, аёл Байрутга Париж орқали рейс билан Венесуэладан учиб келган. Гиёҳванд моддалар эса юкларнинг ичида яшириб қўйилган.

Хабар қилинишича, аёл 80 ёшдан катта бўлган.

Ливан молия вазири Али Ҳасан Халилнинг таъкидлашича, бу мамлакатда кокаинни мусодара этиш бўйича энг йирик амалиётдир.