Бухородаги меҳмонхона хорижий корхонага сотилди
«Wide tent system» АЖ хорижий корхонаси Бухоро шаҳри марказида жойлашган кўпқаватли «Bukhara palace» меҳмонхонасини 20 декабрь куни 27,5 миллиард сўмга харид қилган. Бу ҳақда Livebukhara.uz «ISHONCH MULK SAVDO» риэлторлик компаниясига асосланиб хабар бермоқда.
Савдоларда Ўзбекистонда алюминий профиллар ишлаб чиқариш билан шуғулланувчи «Wide tent system» АЖ ҚК билан бир қаторда Сингапурнинг «Espada Profile» МЧЖ ҳам иштирок этган.
Меҳмонхона 26 миллиард 351,2 миллион сўм бошланғич нарх билан савдога чиқарилган эди.
Қарийб 1,9 гектар ерда жойлашган объектнинг умумий майдони 8581,16 квадрат метрни ташкил этади.
Superjob.uz сайти маълумотларига кўра, «Wide tent system» алюминий, ПВХ, аксессуарлар ва компонентлар ишлаб чиқарувчи «Akfa» компаниялар гуруҳи таркибига киради.
Мавзуга оид
20:48 / 09.10.2024
Бухоронинг янги аэропорти соатига 8 та самолётга хизмат кўрсатади
13:45 / 09.10.2024
Бухорода болалар ўлимига сабабчи бўлган автобус ҳайдовчисига ҳукм ўқилди
22:36 / 26.09.2024
Чирчиқ дарёсининг 6 км қисмида дам олиш ҳудуди барпо этилади
07:50 / 21.09.2024