Фото: C-IB.ru
Филиппинда кўчкилар ва сув тошқинлари оқибатида камида 240 киши ҳалок бўлди. Бу ҳодисалар «Тембин» тўфони туфайли юз берди.
Бу ҳақда BBC хабар қилмоқда.
Таъкидланишича, 100 дан ортиқ инсон бедарак йўқолган, деб ҳисобланмоқда.
Телекомпаниянинг аниқлик киритишича, айни дамга келиб тўфон тахминан 75 минг филиппинликни бошпанасиз қолдирган. Шунингдек, табиий офат инфратузилма ва кўплаб шоли майдонларига жиддий зиён етказди.
Эслатиб ўтамиз, аввалроқ Ўзбекистон Республикаси президенти Шавкат Мирзиёев Филиппин Республикасида вайронкор тошқин ва ер кўчиши юз бериб, кўплаб инсонлар қурбон бўлгани муносабати билан ушбу мамлакат президенти Родриго Дутертега таъзия изҳор этди.
