HeadHunter иш излашга доир job.ru сервисини харид қилади ва... уни ёпади

HeadHunter иш излашга доир job.ru сервисини харид қилишга келишиб олди. Бу ҳақида компания вакиллари маълум қилишган.

Компания келишув доирасида job.ru активларининг бир қисмига, шу жумладан домен номи ва товар белгиларига эга бўлади. Келишув иштирокчилари 2018 йил январь ойи охирига бориб лойиҳани ёпишни режалаштиришмоқда. 

25 декабрь куни job.ru сайтида лойиҳани ёпиш ва HeadHunter'га қўшилиш таклифи ҳақидаги эълон пайдо бўлди, дея аниқлик киритилади хабарда. Унда, шунингдек, job.ru фойдаланувчилари ўз резюмеларини HeadHunter лойиҳаси сайтига кўчириш имконига эга бўлиши қайд этилди. Шартнома суммаси ҳақидаги савол жавобсиз қолдирилган.

"Пронто Медиа" акциядорларининг Россияда барча интернет-активларни бундан кейин ривожланишини тўхтатиш қарори бизга job.ru активларининг бир қисмини қўлга киритиш имконини берди. 

Биринчи навбатда, бу job.ru'нинг бир неча миллион фойдаланувчисига ўз резюмесини HeadHunter тизимига, шу жумладан HeadHunter ривожи учун устувор аҳамиятга эга бўлган профессионал соҳа ва минтақаларга тўсиқсиз кўчириш имконига боғлиқ".
Михаил Жуков
HeadHunter бош директори

2017 йилнинг ноябрида "Из рук в руки" нашриёти ва Job.ru холдинг икки сайтнинг ҳам ёпилиши ҳақида эълон қилди. "Пронто медиа" Туркиянинг Dogan Yayin гуруҳи бошқарувчи Trader Media East компаниясига тегишли.