«Сурияда террорчиларни тайёрлашган». Россия АҚШни кескин айблаб чиқди

АҚШ Сурия жануби ва шимоли-шарқида ҳарбий базаларга эга, уларда аввал ИШИД учун жанг қилган жангарилар тайёрликдан ўтказилади. Бу ҳақда Россия Қуролли кучлари Бош штаби бошлиғи, армия генерали Валерий Герасимов маълум қилди.

Герасимовнинг "Комсомольская правда" газетасига берган интервьюсида маълум қилишича, жангарилар Сурия жанубидаги Ат-Танфа базасида тайёргарликдан ўтказилади. Шу билан бирга, унинг эслатишича, яқинда Британиянинг Би-би-си телеканали жангариларнинг Раққадан эвакуацияси қандай ташкиллаштирилгани ҳақида хабар берди. Хусусан, 400 киши курдлар томонидан америкаликлар ёрдамида Шаддодий лагерига олиб чиқиб кетилган – бу Сурия шимоли-шарқида.

"Бу курдлар назоратида бўлган ҳудуд, у ерда Америка базаси ҳам бор. Бундан ташқари, Шаддодий лагерига Фиротнинг шарқий қирғоғидан яна қарийб 800 киши келган – курдлар ҳужум қилган тумандан. Бу деярли - ИШИД", - дея таъкидлаб ўтди Герасимов.

Унинг сўзларига кўра, ИШИД террорчилари тайёргарликдан сўнг "ўзгаришади, бошқа номни олишади – “Янги Сурия армияси”. Жангариларнинг асосий вазифаси – вазиятни беқарорлаштириш.

Герасимовнинг хабар қилишича, Шаддодий лагеридан Ат-Танфа туманига “қарийб 400 киши кетган”. ИШИД асосий кучлари тор-мор келтирилгач, террорчилар Фиротнинг шарқий қирғоғидан ҳужум қилиб, вазиятни беқарорлаштиришга уринишди, бироқ йўқотишларга учрашди. "Бизнинг фикрча, ҳозир Шаддодийда 750 га яқин ва Ат-Танфада қарийб 350 нафар жангари бор", - дея қўшимча қилиб ўтди Бош штаб бошлиғи.

Бундан ташқари, Герасимовнинг маълум қилишича, Сурияда ИШИД тузилмалари раҳбарлигида Яқин Шарқ ва Ғарб давлатларидан бўлган йўриқчилар томонидан ўқитилган қўмондонлар бор эди. Улар жанговар ҳаракатлар вақтида Сурия ҳамда Ироқ армиясининг кўплаб зирҳли техникаси ва артиллериясини эгаллаб олди.

"Суриядаги ҳодисалар бошланганидан бери Бош штаб вазиятни кузатиб борди, босқинчи тузилмалар ҳаракат тактикасининг ўзига хос жиҳатларини билганмиз. Биз террорчилик ҳаракатларидан ташқари, улар тактик усулларни қўллашларини тушунганмиз. Ушбу босқинчи тузилмалар раҳбарлигида қўмондонлар бўлган, улар Яқин Шарқ ва Ғарб давлатларидан бўлган йўриқчилар томонидан махсус ўқитилган. Шунингдек, Ироқ армиясининг собиқ зобитлари ҳам бўлган", - деди Герасимов.

"Уларда фақат танклар ва зирҳли машиналарнинг сони 1,5 мингга яқинни ташкил этган. Плюс 1,2 минг қурол-яроғлар ва миномётлар. Бу деярли мунтазам армиянинг ўзи эди", - деган Герасимов.