Туркия 2,5 млрд долларга С-400 дивизионларини харид қилди

«Ростех» бош директори Сергей Чемезовнинг баёнот беришича, Туркия Россиядан 4 та С-400 «Триумф» зенит-ракета тўпламларини харид қилди. У «Коммерсантъ» нашрига берган интервьюсида шу ҳақда маълум қилди. Чемезовнинг сўзларига кўра, 4 та тўплам 2,5 млрд долларни ташкил этган.

«Якуний ҳужжатларни тасдиқлаш қолди, холос. Айтишим мумкинки, шартнома қийматининг 45 фоизи олдиндан тўланади, 55 фоизи Россиянинг кредит маблағлари ҳисобидан қопланади», — деган Чемезов.

Унинг қайд этишича, биринчи тўплам 2020 йил мартда етказиб берилади.