Видео: Дунёдаги энг баланд Lego минорасининг қурилиши 

Исроил пойтахти Тель-Авивда Lego болалар конструкторидан дунёдаги энг баланд «минора» қурилди, унинг учун 500 мингдан ортиқ деталлар талаб этилди. Бу ҳақдаги видео YouTube’да эълон қилинган.

«Минора»нинг баландлиги деярли 36 метрни ташкил этди, бу эса 12 қаватли уй билан баробар дегани. Минора қурувчилари ўтган йили Германияда ўрнатилган 35,47 метрлик аввалги рекордни янгилашди.

Лойиҳа Тель-Авив муниципалитети томонидан ташкиллаштирилди, у Lego’нинг катта ишқибози, саккиз ёшида саратон туфайли ҳаётдан кўз юмган Омер Саягуга бағишланди. Минорани қуришда минглаб маҳаллий фуқаролар қатнашган.