Россия: Саакашвили билан боғлиқ вазият Украина учун шармандалик

Фото: Reuters

Россия Ташқи ишлар вазирлиги расмий вакили Мария Захарованинг маълум қилишича, Грузия собиқ президенти, Одесса области собиқ губернатори Михаил Саакашвили билан боғлиқ вазият Украина халқи учун шармандаликдир. Бу ҳақда у kp.ru сайтига берган интервьюсида айтиб ўтди.

«Бу Украина халқи учун шармандалик: четдан келган одам сиёсий жараёнларни бошқаришга уринмоқда ва вазиятни беқарорлаштирмоқда, ифлос ўйинлар билан шуғулланмоқда, фақат бузиш билан банд бўляпти», - дея айтиб ўтди Захарова.

Унинг сўзларига кўра, бу Грузия халқи учун ҳам яна бир муаммодир.

«Муаммо шундаки, у Грузиянинг дунёдаги энг таниқли вакилларидан бири саналади ҳамда унинг ғалати хатти-ҳаракати туфайли бутун бир халқ ҳақида ёлғон тушунча пайдо бўлиши мумкин», - дея маълум қилди Захарова.