2017 йилнинг энг харидоргир гаджетлари бешталиги эълон қилинди

GBH Insights таҳлилчиси Даниэль Айвс USA Today нашри учун 2017 йилдаги энг харидоргир гаджетлар рейтингини тузди. Рейтингга кўра, 2017 йилда энг кўп сотилган хайтек-маҳсулот iPhone моделлари бўлди.

2016 йилда Apple 211 миилионта iPhone сотишга муваффақ бўлган. Якунланаётган йилда эса бу рақам 233 миллионтага етиши мумкин. 2-ўринни Galaxy S8 ва Note8’дан 33 млн дона сотган Samsung эгалламоқда. Таҳлилчи Apple’нинг премиал моделлари ҳисобланувчи барча гаджетлари ва Samsung’нинг бор-йўғи иккита маҳсулоти сотилишини ҳисобга олган. Савдодан қайтариб олинган Galaxy Note 7 фаблети Samsung’нинг натижаларига салбий таъсир кўрсатган.

Мутахассис 3-ўринни Amazon Echo Dot карнайларига берди, бу қурилмадан 24 млн дона сотилган. Савдолар ҳажми ўсиши қурилма нархининг 49,99 доллардан 29,99 долларгача арзонлашишига олиб келган. 

Етакчи бешталикнинг 4-ўрнини Apple Watch “ақлли” соатлари эгаллади. Йил давомида бу қурилмадан 20 млн дона сотилган. 5-ўриндан эса Nintendo Switch ўйин приставкаси ўрин олди. Бу қурилмадан 2017 йилда 15 млн дона сотилган.