«Манчестер Сити»да яна ғалаба ва турнинг бошқа натижалари

«Манчестер Сити» Англия Премьер лигасининг 22-тури доирасида «Уотфорд»ни қабул қилди. «Этиҳад» стадионида кечган беллашув мезбонларнинг 3:1 ҳисобидаги ғалабаси билан якунланди.

Ғолиб жамоа сафида Раҳим Стерлинг ва Серхио Агуэро тўп киритди, «Уотфорд» ҳимоячиси Кристиан Кабазель эса автогол муаллифига айланди. Меҳмонлар сафида Андре Грэй ўз номини таблога ёздириб қўйди. Шу тариқа, «Манчестер Сити» АПЛнинг жорий мавсумида мағлубиятсиз сериясини давом эттирди ва эндиликда 22 учрашувда 20 ғалабага эга.

«Манчестер Сити» (62 очко) Англия Премьера лигаси турнир жадвалида етакчилик қилмоқда ва иккинчи ўринда бораётган «Манчестер Юнайтед»ни 15 очкога ортда қолдирмоқда. «Уотфорд» (25) ўнинчи поғонада.

Бу турда «Суонси Сити» «Тоттенҳэм Ҳотспур»ни қабул қилди. «Либерти» стадионида кечган учрашув меҳмонлар жамоасининг 2:0 ҳисобидаги ғалабаси билан якунланди.

Ғолиблар сафида голларга Фернандо Льоренте ва Деле Алли муаллифлик қилишди. Учрашувда ҳисобни испаниялик ҳужумчи очганди, бу унинг «Тоттенҳэм» сафидаги биринчи голига айланди. Эътиборли жиҳати у айнан «Суонси»дан 2017 йил ёзида Лондонга келганди.

Тур доирасидаги бошқа учрашувларда«Саутҳемптон» «Кристал Пэлас»га ютқазди (1:2), «Вест Ҳэм Юнайтед» охирги дақиқаларда урилган гол эвазига «Вест Бромвич Альбион»ни енгди (2:1).

Англия чемпионати
22-тур
Манчестер Сити – Уотфорд 3:1 (2:0, 1:1)
Голлар: 1:0 – 1 Стерлинг, 2:0 – 13, Кабаселе автогол, 3:0 – 63 Агуэро, 3:1 – 82 Грэй.
Манчестер Сити – Эдерсон, Уокер, Стоунз (Данило, 67), Отаменди, Делф, де Брюйне (Бернарду Силва, 79), Фернандиньо (Туре, 71), Сильва, Стерлинг, Агуэро, Сане.
Уотфорд – Гомес, Янмат, Ваге, Кабаселе, Зегелар, Уотсон (Перейра, 61), Капу(Клеверли, 61), Ришарлисон (Синклэйр, 82), Дукуре, Каррильо, Грэй.
Огоҳлантиришлар: Сильва (24), Перейра (83).

Суонси – Тоттенҳэм 0:2 (0:1, 0:1)
Голлар: 0:1 – 12 Льоренте, 0:2 – 89 Алли.
Суонси – Фабианьски, Ранхель (Нарсинх, 53), ван дер Хорн, Фернандес, Моусон, Ольссон, Саншеш, Клукас, Кэрролл (Раутледж, 78), Дайер (Макберни, 70), Айю.
Тоттенҳэм – Льорис, Триппьер, Санчес (Ваньяма, 59), Вертонген, Дэвис, Эриксен, Дайер, Ламела (Сиссоко, 77), Алли, Сон Хин Мин, Льоренте (Кейн, 68).
Огоҳлантиришлар: Ольссон (10), Санчес (31), Ламела (64), ван дер Хорн (79).

Вест Ҳэм – Вест Бромвич 2:1 (0:1, 2:0)
Голлар: 0:1 – 30 Макклейн, 1:1 – 59 Кэрролл, 2:1 – 90 Кэрролл.
Вест Ҳэм – Адриан, Рид, Огбонна, Крессуэлл (Райс, 76), Сабалета, Куяте, Обианг (Нобл, 46), Масуаку (Эрнандес, 73), Арнаутович, Лансини, Кэрролл.
Вест Бромвич –    Фостер, Доусон, Хегази, Эванс, Гиббс, Якоб (Бэрри, 83), Криховяк, Родригес (Берк, 71), Ливермор (Робсон-Кану, 64), Макклейн, Рондон.
Огоҳлантиришлар: Лансини (6), Масуаку (44), Кэрролл (61), Якоб (74), Криховяк (90).

Саутҳемптон – Кристал Пэлас 1:2 (1:0, 0:2)
Голлар: 1:0 – 17 Лонг, 1:1 – 69 Макартур, 1:2 – 80 Миливоевич.
Саутҳемптон – Маккарти, Пье, Стивенс, Йосида, Бертран, Ромеу, Хейбьерг (Габбьядини, 75), Уорд-Проуз (Дэвис, 70), Тадич (Редмонд, 79), Буфаль, Лонг.
Кристал Пэлас – Хеннесси, Фосу-Менса, Келли, Томкинс, Шлупп (Сако, 64), Макартур, Миливоевич, Таунсенд, Кабай (ван Анхолт, 46), Заа, Бентеке.
Огоҳлантириш: Фосу-Менса (57).