Фото: Президент матбуот хизмати
Ўзбекистон президенти Шавкат Мирзиёев Чирчиқ шаҳридаги ҳарбий қисмлардан бирига ташриф буюрди. Бу ҳақда президент матбуот хизмати хабар берди.
Президент муносиб хизмат қилган ҳарбийларга барча шароитлар яратиш, уларни уй-жой, автомашина билан таъминлаш бўйича топшириқ берган.
Шунингдек, Шавкат Мирзиёев ҳарбий хизматчиларнинг ҳарбий кийим ва асбоб-анжомлари билан танишиб, уларни замонавий асосда янгилаш, таъминот тизимини такомиллаштириш зарурлигини таъкидлади.
Президент Тошкент вилоятига ташрифи давомида бошқа иқтисодий объектларни ҳам кўздан кечириши кўзда тутилган.
