Афғонистон президенти: АҚШнинг ёрдамисиз армиямиз ярим йил ҳам «яшай олмайди»

Афғонистон президенти Ашраф Ғанининг CBS’га берган интервьюсида маълум қилишича, мамлакат Қўшма Штатларнинг молиявий ёрдамисиз ярим йил ҳам фаолият кўрсата олмайди.

«Биз армиямизни АҚШнинг қўллаб-қувватлови ҳамда Қўшма Штатлар имкониятларисиз олти ой давомида ҳам таъминлаб тура олмаган бўлардик», - деган давлат раҳбари. Унинг қўшимча қилишича, Афғонистонда пул йўқ.

Шу билан бирга, Ғанининг қайд этишича, Афғонистонга «ўз жангларини олиб бориш учун» бошқа мамлакатлар керак эмас.

Унинг сўзларига кўра, айни дамда давлат ҳудудида 21 та халқаро террорчилик ташкилоти жангарилари бор.