Ўзбекистонда энг яхши меҳмонхона, энг яхши ресторан ва энг яхши гид аниқланади

Туризмни ривожлантириш давлат қўмитаси томонидан жорий йилда «Uzbekistan Tоurism Awards» тақдимоти ўтказилади. Бу ҳақида қўмита раҳбари Азиз Абдуҳакимов матбуот анжумани вақтида хабар берди.  

Маълум бўлишича, «Uzbekistan Tоurism Awards» тақдимот маросимида республика бўйлаб энг яхши меҳмонхона, энг яхши меҳмонхона лагери, энг яхши гид, энг яхши ресторан, энг яхши мотел, энг яхши блогер, энг яхши фотосуратчи, энг яхши журналист каби номинациялар бўйича ғолиблар аниқланади. 

Анжуманда иштирок этган Kun.uz мухбири хабар беришича, ҳозирда Туризм қўмитаси томонидан мазкур мукофот концепцияси ишлаб чиқилмоқда. 

Шунингдек, қўмита қошида махсус фонд ташкил этилган бўлиб, туристик имкониятларни янада кенгайтиришга ҳисса қўшувчи лойиҳалар қабул қилиниши маълум қилинди. Таклиф ва лойиҳалар мазкур фонд томонидан молиялаштирилиб, совға ва грантлар ажратилади.