Австралияда саккизоёқ дельфинни бўғиб ўлдирди

Саккизоёқлар ўзини ютиб юборишга ҳаракат қилаётган дельфинларни ўлдиришга қодир. Бу ҳолатга доир биринчи ноодатий ҳодиса Нажид Стивенс бошчилигидаги австралиялик олимлар томонидан Marine Mammal Science журналида эълон қилинди. 2015 йилнинг августида қирғоқда ҳалок бўлган дельфинни олимларнинг лабораториясига олиб келишган. Шу билан бирга, унинг оғзидан саккизоёқ пайпаслагичлари (Macroctopus maorum) чиқиб турган.

Маълумки, бу сувларда кўп учрайдиган дельфинлар, ҳинд афалинлари саккизоёқларни овлайди, баъзида уларни сув устига чиқариб ташлаб, ўлдириш ҳамда бир неча бўлакларга бўлишга ҳаракат қилади. Олимларнинг сўзларига кўра, дельфинлар бўғизни нафас олиш йўллари билан боғловчи кичик тилни бўшаштириши мумкин, бу катта озиқ бўлакларини ютиш учун керак бўлади.

Бироқ дельфинни ёриб кўриш шуни кўрсатдики, бир ярим метрлик ютиб юборилган саккизоёқ ютиш чоғида ўлик ҳолатда бўлмаган ҳамда ўз пайпаслагичини бўғизга тиқишга улгурган, бу эса дельфиннинг бўғилишига олиб келган.