Аралаш яккакураш жангчиси Конор Макгрегор Мутлақ жангчилик чемпионатининг (UFC) енгил вазндаги чемпионлик унвонидан маҳрум этилди. Бу ҳақда вазиятдан хабардор манба маълум қилди.
Таъкидланишича, ирландиялик жангчи унвонини узоқ вақтдан бери ҳимоя қилмагани сабаб ундан маҳрум бўлган. Макгрегор охирги жангини 2016 йил ноябрда UFC 205 мусобақасида ўтказган. У ўшанда америкалик Эдди Альваресни техник нокаут билан мағлуб этганди.
UFC президенти Дана Уайтнинг айтишича, Макгрегор жангларга қайтиши билан унвон учун жанг қилиш имкониятини олади.
