Трамп: терроризм бўйича қамалган ҳар тўрт кишидан уч нафари хорижлик

Фото: Reuters

АҚШ президенти Дональд Трамп твиттердаги саҳифасида АҚШ Адлия вазирлиги ва Ички хавфсизлик вазирлиги ҳисоботи ҳақида хабар берди. Унга кўра, терроризм билан боғлиқ ишлар бўйича судланган ҳар тўрт кишидан уч нафари хорижда туғилган.

«Адлия вазирлиги ҳамда Ички хавфсизлик вазирлигининг янги ҳисоботи шуни кўрсатадики, терроризм билан боғлиқ ишлар учун судланган ҳар тўрт шахсдан уч нафари хорижда таваллуд топган», - дея ёзди Қўшма Штатлар президенти.

Шунингдек, унинг таъкидлашича, АҚШ Конгрессига чора-тадбирлар тўплами юборилган бўлиб, улар мамлакатда хавфсизликни мустаҳкамлашга йўналтирилгандир.

Тайёрлаган: Отабек Матназаров

#Дональд Трамп #АҚШ