Франция пойтахти Париж шаҳрида кейинги кунларда ёққан кучли ёмғирлар натижасида шаҳар ўртасидан оқиб ўтган Сена дарёси сатҳи кўтарилиб, қирғоқларидан тошди. Шаҳарда айни вақтда транспорт ҳаракати чекланган, кўчаларда қайиқларда сузаётган одамларни учратиш мумкин.
Парижликлар сув остида қолаётган кварталлар бўйлаб қайиқларда ҳаракатланмоқда.
XIX асрда Қирол Генрих IV шарафига қурилган Вер-Галан хиёбони деярли сув остида
Сенадаги сув сатҳи 2 метрдан 6 метргача кўтарилди. Сув кўтарилишдан биринчи навбатда Париж марказидаги Сите ороли жабрланди.
Париждаги 12та департамент сув остида қолиши мумкин.
Сена сатҳи тезлик билан кўтарилмоқда. Парижда бунгача энг жиддий сув тошқини 1910 йилда кузатилган, ўшанда Сена сатҳи бир неча кунлик ёмғирлардан кейин 8 метргача кўтарилганди. Ўшанда шаҳар кўчалари каналларга айланган, шаҳар инфратузилмаси жиддий шикастланганди.
Ҳозирча сув тошқинлари Сена ёқасидаги ҳудудларда кузатилмоқда, аммо шаҳарда ҳамон тревоганинг "тўқсариқ ранг" даражаси сақланиб қолмоқда.
Шаҳар ўз ҳаётини яшашда давом этмоқда. Суратда: Сена соҳилида жойлашган Paris Seine меҳмонхонасига озиқ-овқат маҳсулотлари етказиб берилмоқда.
