Шимолий Корея ҳукумати бутун корейс миллатига мурожаат билан чиқди
Шимолий Корея ҳукумати бутун корейс миллатига Пхеньян ва Сеул ўртасида ҳарбий кескинликни юмшатиш чақириғи билан мурожаат қилди.
Мурожаатда айтилишича, корейс миллатини бирлаштириш энг муҳим вазифа ҳисобланади. Таъкидланишича, Шимолий Корея ва Жанубий Корея мамлакатни бирлаштириш масаласида мустақил ҳолда қарор қабул қилиши керак, учинчи томонларнинг бу масалага аралашишига йўл қўйиб бўлмайди.
Шимолий кореяликлар, шунингдек, Пхеньяннинг ракета ва ядровий дастурлари сабабли Шимолий Корея номига танқидни камайтиришни таклиф қилишган. Пхеньянда таъкидланишича, бу дастурлар Шимол ва Жануб ўртасидаги муносабатлар яхшиланишига халақит қилмайди.
Пхеньян корейс миллатини ядровий урушни келтириб чиқаришга уринаётган АҚШга қарши туришга чорлаган.
Мурожаатда Шимол ва Жануб ўртасида гуманитар соҳа ва сиёсий йўналишлар бўйича алоқаларни фаоллаштириш таклиф қилинган. Жумладан, сиёсий партиялар ўртасида алоқаларни мустаҳкамлаш зарурлиги таъкидланган. Умуман олганда, Шимолий Корея ҳукуматининг фикрича, 2018 йил томонлар позицияларининг яқинлашиши масаласида “кескин бурилиш йили” бўлади.
Мавзуга оид
22:41 / 13.10.2024
Ким Чен Иннинг синглиси Жанубий Кореяни «даҳшатли ҳалокат»дан огоҳлантирди
20:32 / 09.10.2024
КХДР Жанубий Кореяга олиб борувчи барча автомобил ва темирйўлларни ёпади
17:12 / 08.10.2024
Шимолий Корея Россияни қўллаш учун Украинага ҳарбийларини юбориши мумкин
21:47 / 06.10.2024