Самарқандда коллеж ўқувчиси “Ласетти”ни олиб қочди

22 январь соат 00:50ларда номаълум шахс Самарқанд шаҳрининг О.Маҳмудов кўчаси 59-“А” уй олдида қаровсиз қолдирилган 1995 йилда туғилган фуқаронинг “Ласетти” русумли автомашинасини ҳайдаб қочган. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Олиб борилган қидирув ишлари натижасида, автомашина Самарқанд шаҳрининг Гўрўғли кўчаси 5-уйнинг олдидан техник шикастланган ҳолда топилган. 

Кўрилган чоралар натижасида, ушбу жиноятни Самарқанддаги коллежнинг 1-курси ўқувчиси содир этганлиги аниқланди.