Туркия Сурия ҳудудларини эгаллаб олмоқчи эмас – Эрдўған

Фото: Yasin Bulbul/Pool

Туркиянинг Суриядаги “Зайтун шохи” ҳарбий операциясидан мақсад Сурия ҳудудини эгаллаб олиш ҳисобланмайди, деб айтди Туркия президенти Ражаб Тоййиб Эрдўған.

“Биз Сурия ерларини эгаллаб олмоқчи эмасмиз, бироқ ҳозирда Туркияда бўлган 3,5 млн қочқинга ватанларига қайтишда ёрдам бермоқчимиз”, деб айтган Эрдўған.

Эрдўғаннинг айтишича, маҳаллий аҳоли турк ҳарбийларига уларнинг келиши билан минтақада “хавфсизлик ўрнатилиши” учун миннатдорлик билдирмоқдалар. Туркия раҳбарининг таъкидлашича, Африндаги операция Суриядаги тинч аҳоли манфаатларини ҳимоя қилишга қаратилган. “Зайтун шохи” операциясига қаршилар “минтақадаги террорчиларнинг фаолиятига кўз юммоқдалар”, деб айтган Эрдўған.

Туркия 20 январда Африндаги курд тузилмаларига қарши “Зайтун шохи” операциясини бошлади.

#Туркия #Сурия #Африн