Россия: КХДР қандай ракеталарга эга экани ҳақида маълумотга эгамиз

Фото: Reuters

Россиянинг Пхеньяндаги элчиси Александр Мацегоранинг маълум қилишича, Москвада КХДР қандай ракеталарга эга экани ҳақида маълумотлар бор. Бу ҳақда РИА «Новости» хабар қилмоқда.

«Бизда, албатта, бу маълумотлар бор, биз вазиятни жиддийлик билан кузатиб бормоқдамиз», - дея айтиб ўтган Мацегора.

Унинг сўзларига кўра, Шимолий Корея қурол ишлаб чиқишда катта муваффақиятларга эришган.

«Бизнинг мутахассислар айтишича, агарда Шимолий Корея ракеталарининг илк моделлари бошқа давлатларникига ўхшаш бўлган бўлса, КХДР парадларда кўрсатаётган сўнгги намуналар эса, - бу, катта эҳтимол билан, уларнинг ўзлари томонидан ишлаб чиқилган ракеталардир», - дея қўшимча қилиб ўтган элчи.

Тайёрлаган: Отабек Матназаров

#Россия #КХДР #ракета