Ўрта ер денгизида муҳожирлар қайиғи ағдарилиши оқибатида 90 киши ҳалок бўлди

Фото: Pixabay

Ўрта ер денгизида, Ливия соҳиллари яқинида муҳожирлар қайиғи ағдарилиши оқибатида унда бўлган деярли барча одамлар – 90 киши ҳалок бўлган. Уч киши омон қолишга муваффақ бўлган, улар ҳалок бўлганларнинг кўпчилиги Покистондан бўлганини маълум қилишган. Бу ҳақда Халқаро миграция ташкилоти (ХМТ) хабар бермоқда.

ХМТ матбуот котиби Оливия Хидоннинг маълум қилишича, Ливиянинг Зувар шаҳри соҳилларига 10 жасад оқиб келган. Жасадлар 8 покистонлик ва 2 ливияликка тегишли эканлиги аниқланган.

ХМТда таъкидланишича, охирги вақтда Европага Ливия орқали ўтмоқчи бўлаётган покистонликлар сони кескин ошиб кетган.

Ўтган йил Италияга Ўрта ер денгизи орқали 119 минг муҳожир, 2016 йилда эса 180 минг муҳожир келган.