Ўзбекистон 1 июлдан электрон кириш визаларини бера бошлайди

Фото: Fotolia

Ўзбекистон Республикаси президенти Шавкат Мирзиёев «Ўзбекистон Республикасининг сайёҳлик салоҳиятини ривожлантириш учун қулай шарт-шароитлар яратиш бўйича қўшимча ташкилий чора-тадбирлар тўғрисида»ги фармонни имзолади.

Ҳужжат билан 2018 йилнинг 1 июлидан электрон кириш визаларини бериш тизимини ишга туширилиши белгилаб қўйилди.

Ўзбекистон Республикаси Вазирлар Маҳкамаси ҳузуридаги Давлат персоналлаштириш марказига Ташқи ишлар вазирлиги, Туризмни ривожлантириш бўйича давлат қўмитаси, Молия вазирлиги ҳамда бошқа манфаатдор вазирлик ва идоралар билан биргаликда бу борада тегишли топшириқ юкланди.