Коинотга учирилган Tesla машинаси сунъий йўлдош деб тан олинди

Фото: instagram.com/elonmusk

АҚШ ҳарбий-ҳаво кучлари коинот қўмондонлиги 6 февралда Falcon Heavy ракетасида коинотга учирилган, қизил рангдаги Tesla Roadster машинасини сунъий йўлдошлар каталогига киритди. Бу ҳақда қўмондонлик твиттерда маълум қилди.

Айни вақтда машина Ер орбитаси бўйлаб ҳаракатланмоқда. Рўйхатда машина охирги – 43205-рақамли сунъий йўлдош сифатида қайд қилинган.

Ҳарбий бошқармада таъкидланишича, машина қолган объектлар каби радар ва телескоплар ёрдамида кузатилиши мумкин.

SpaсeX компанияси машинани фазогир кўринишидаги манекен билан бирга Falcon Heavy ракетасида фойдали юк сифатида коинотга учирган.