Ҳонгконгда йирик ЙТҲ, қурбонлар кўп

Ҳонгконгда икки қаватли автобус иштирокидаги йирик йўл-транспорт ҳодисаси оқибатида 13 киши ҳалок бўлди. Авария натижасида яна 40 инсон турли даражада тан жароҳати олди, деб хабар бермоқда ХХР Марказий телевидениеси.

Хабар қилинишича, автоҳалокат шанба, 10 февраль куни маҳаллий вақт билан соат 18:00лар атрофида рўй берган. Автобус номаълум сабабларга кўра йўл четига чиқиб кетиб, қулаган. Ҳозирги вақтда ундан тахминан 20 киши ташқарига чиқа олмаётгани айтилмоқда.

Фавқулодда ҳолат жойида тезкор хизматлар ходимлари ишлашмоқда. ЙТҲ тафсилотлари аниқлаштирилмоқда.