Ле Пен кейинги президентлик сайловларида ғалаба қозониш йўлини топди

Франциядаги «Миллий фронт» партияси етакчиси Марин Ле Пен партия номи ўзгариши ҳақида эълон қилди. Бу, унинг фикрича, президентлик сайловларида ғалаба қозонишига ёрдам беради. У бу ҳақда Europe 1 радиостанцияси эфирида айтиб ўтди, деб хабар қилмоқда РИА «Новости».

Бироқ, Ле Пен партиянинг янги номини ошкор этмади. Аммо, унинг таъкидлашича, партия йўналиши ўзгармайди.

«Биз ҳеч нарсадан воз кечаётганимиз йўқ – биз тарихимизда янги саҳифани очмоқдамиз», - дея маълум қилди Ле Пен.

Шунингдек, унинг қўшимча қилишича, «Миллий фронт»ни Францияда кейинги президентлик сайловларида кўпчилик овозни тўплай оладиган сиёсий мухолифатга айлантирмоқчи.