Самарқандда туман ҳокими ўринбосарларига “Дамас” автомашиналари топширилди

Фото: Самарқанд вилоят ҳокимлиги матбуот хизмати

Самарқанд вилоят ҳокими Т.Жўраев туман ҳокимларининг қишлоқ ва сув хўжалиги масалалари бўйича ўринбосарларига “Президент совғаси” – “Дамас” автомашиналарини тантанали топширди. Бу ҳақда вилоят ҳокимлигининг матбуот хизмати хабар бермоқда.

Шу муносабат билан ташкил этилган тадбирда хизмат машиналари мутахассисларнинг деҳқонларга янада яқин бўлишида, фермерлар далаларига бориб, агротехник тадбирлар, экинлар парваришини назорат қилишида, керак пайтда зарурий маслаҳатлар беришда қулайлик яратиши таъкидланди.