Эронда йўловчи самолёт ҳалокатга учради

Эроннинг Исфаҳон вилояти, Семир шаҳри ҳудудида йўловчи самолёт қулаб тушди.

Тасним агентлиги Эрон фавқулодда вазиятлар бўйича марказга асосланиб хабар беришича, самолёт бортида 60 нафарга яқин киши бўлган.

Агентлик маълумотларига кўра, ушбу самолёт Теҳрондан Ясуж шаҳрига учаётганди.

Гувоҳлар ушбу самолётни ферма ҳудудига мажбуран қўндиришга бўлган ҳаракат ҳақида айтишган. Қайд этилишича, ҳалокатдан омон қолганлар ҳам бор.

Турли маълумотларга кўра, самолёт бортида 100 нафарга яқин йўловчи бўлган.